الأهلى والزمالك

فى حالة فوز الزمالك:

*على برنامج"الكرة مع دريم"..الزمالك يفوز على بدلاء الاهلى!!*كابتن طه اسماعيل.."الاهلى كان يعانى من الاجهاد".. تصريح مسبق فى حالة هزيمة الاهلى فى اى مباراة حتى لو لعب بالبدلاء..وكمالة التصريح"والزمالك يحتاج لتخطيط شامل"..حتى لو قدم مباراة العمر!!*خالد طلعت"الزمالك لايفوز على الاهلى سوى بالبدلاء".."الاهلى يدفع ثمن التخبط".."الزمالك لايفلح الا عندما يجد نفسه امام احتياطى الاهلى"

*مشجع اهلاوى فى قهوة بلدى"الاهلى فى اليابان يا كابتن شوبير..بنحبك يا كابتن شوبير"..حتى لو البرنامج على المحور ويقدمه مصطفى عبده!!

*مشجع اهلاوى فى كافيه نضيف"برافو ..مابيفوزوش الا لما نريح لعيبتنا".."هو ده اخركم"!!

*مشجع زمالكاوى"ده اول الطريق..وحناخد كل البطولات"..تصريح لمجرد الفوز بمباراة.

*جوزيه من البرتغال"مش مشكلة شوية صيع يفوزوا علينا..الدور على اوغاد الاسماعيلية"..مع تحيات ترجمة احمد عبده..مترجم النادى الاهلى.

*لاعبى الاهلى"احنا زعلانين من ان الجماهير ماشية زعلانة..بس ده بسبب الاجهاد..انا يا كابتن ماشوفتش مارينا من 3 سنين"..ملحوظة:مارينا ده بنته!!

*عمرو زكى"بهدى الفوز لجماهير ساوثامبتون قبل ما اجيها ب 5 مليون استرلينى"

*جميع لاعبى الزمالك"فيه روح جديده..احنا كل يوم بنصلى العشاء حاضر"

*هنرى ميشيل"عودة البطولات الموسم القادم"

*حسام البدرى" الحقيقة مش عارف اقول ايه عن التحكيم..وبرضك مش عارف ليه جماهير الزمالك بتشتمنى"..تصريح حتى لو الجماهير ما شتمتوش.

*الاهرام المسائى"مجلس ادارة الريموت كنترول يقرر صرف معونه عاجلة بسبب الفوز"

*الصحافة..الاهلى المجهد والاحتياطى..والناشئين والبدلاء الاحياء منهم والاموات يخسر من الزمالك!!

*مواقع الاهلى الاليكترونية..بدلاء و ناشئى الاهلى..ومبادىء حقوق الانسان الاهلاوية لاراحة اللاعبين تخسر من الزمالك بكل لاعبيه..حمل مباراة الستة واحد!!!

*الشريط الجهنمى السفلى لقناتى دريم والمحور.."الزمالك التعبان بيفوز على اهلى اليابان"..سعيد المفش-مركز شباب البركة-جرجا-كوم ابو القفص.."الاهلى فوت الماتش..ليه..عشان يساند الزمالك اللى اتغلب من الفيصلى"..مسعد الجن-امبابة.."يا اهلاوية يا تعبانين..اتفرجوا على شيكابالا" رفعت سيد احمد..الحوامدية.."هو ده اخركم يا زمالكاوية..تفوزا على بدلاء الاهلى..و9 على بنى سويف" بيتر مايكل- مركز ابو شقاف- شربين قبلى!!

فى حالة فوز الاهلى:

*على برنامج"الكرة مع دريم"..بدلاء الاهلى يفوزوا على نجوم الزمالك..مفيش فايدة!!

*كابتن طه اسماعيل.."الاهلى ورغم كل الغيابات..قدر يحافظ على روح الفانلة الحمرا..وقدر بفضل توجيهات جوزيه من البرتغال يحقق نتيجة تثبت انه بطل..وبيلعب باى 11 لاعب!!

*خالد طلعت"زى ما توقعت..الاهلى حياخد الدورى".."الزمالك افتكر نفسه حيفوز على الاهلى".. "الاهلى هو الاصل..وتحذير لبشير التابعى من العودة لمصر"!!

*مشجع اهلاوى فى قهوة بلدى"الاهلى هو الاهلى..وصالح سليم فى قلوبنا..بنحبك يا كابتن شوبير"..المرة ده فى برنامج شوبير..وتنتقل الكاميرات ونجد بسمة شوبير وقد خرج فمه من وجهه!!

*مشجع اهلاوى فى كافيه نضيف"صعبان عليه الزمالكاوية".."الاهلى فوق الجميع"!!

*مشجع زمالكاوى"معلش بس لعبنا حلو النهاردة".

*جوزيه من البرتغال"هما الصيع دول مش حيفوزا علينا ابدا..الاسماعيلاوية يخبوا عيالهم"..مع تحيات ترجمة احمد عبده..مترجم النادى الاهلى.

*لاعبى الاهلى"الف مبروك..واى 11 لاعب يا كابتن يقدروا يحققوا تاريخ للاهلى"

*عمرو زكى"النهاردة جيه فاكس من مانشيستر.. بس الزمالك قفل الفاكس فى وشهم"

*جميع لاعبى الزمالك"فيه لعيبة حرام يلعبوا فى الزمالك"..المشكلة التصريح بيبقى على لسان 25 لاعب..مش عارف..هو مين بقى اللى بيقصدوه

*هنرى ميشيل"عودة البطولات الموسم القادم"

*حسام البدرى" انا صرحت..انا خططت..انا جامد..انا حلو اوى..مش عارف ليه جماهير الزمالك بتشتم".

*الاهرام المسائى"مجلس ادارة الريموت كنترول يعاقب لاعبى الزمالك بخصم 250 جنيه!!"

*الصحافة..الاهلى المجهد والاحتياطى..والناشئين والبدلاء الاحياء منهم والاموات يفوز على الزمالك!!

*مواقع الاهلى الاليكترونية..بدلاء و ناشئى الاهلى..ومبادىء حقوق الانسان الاهلاوية لاراحة اللاعبين تفوز على الزمالك بكل لاعبيه وده اقل واجب.. وبرضك حمل مباراة الستة واحد!!!

FCI Tags

as Ahmed Mubarak has tagged me

List five things you learnt in FCI -not Technical :D-??

- اتعلمت ازاى اتعامل مع البشر باختلاف أنواعهم
- اتعلمت ازاى اكون تنح وغلس وغتت وماعنديش دم
- اتعلمت اواجه المشاكل الصعبة لوحدى واتحمل نتيجة افعالى بكل شجاعة
- اتعلمت انى اقدر اضغط على نفسى واطلع منى شغل اكتر من اللى اقدر اعمله
- اتعلمت ان الحياة كلها مصالح مصلحتك فين وخد وهات ، محدش بيشيل حد ولا بيخاف الا على نفسه وساعة الجد كله بيجرى وده ميمنعش ان فى بعض الاستثناءات


Five things you will miss in FCI?

- الكلية نفسها هتوحشنى جدا
- دفعتنا هتوحشنى جدا جدا
- حلوان هتوحشنى جدا
- هيئة التدريس هيوحشونى ، مش كلهم طبعا
- الأيام الجميلة اللى قضيتها فى الجامعة


Best day in FCI Helwan?

- أيام كتييييييير قوى مش يوم واحد


Worst day?

- برضه أيام كتيييييييييييييييييير قوى ربنا مايعيدها


Best doctor, course, book, project?

- ايمن عزت
- Algorithms & Data Structure
- C / C++ The Complete Reference
- 8 Queen , Software Package


Worst doctor, course, book, project?

- كتيييير وبلاش اقولهم دلوقتى
- System Analysis , System Design
- AIS
- AIS , VB 6


Best instructor?

- نرمين

Did you meet your sweet-half in FCI?

- أكيد لأ ، علشان لقيته من قبل الكلية


Did you regret for knowing someone in FCI?

- الحمد لله مابندمش على حد عرفته بس ندمت على ناس معرفتهمش


What was your favorite place in the faculty?

- كل الأماكن ليها ذكريات جميلة


What is the size of our digital photos on your hard disk?

- حوالى 2 جيجا


What would you like to say to dof3tnaa?

- هتوحشونى قوى ، وياريت نفضل مع بعض على طول ونفضل متواصلين مع بعض


What would you like to do if you found the today's date is 2003-ya3ny lo reg3t lesnah ola bel3fyah ?

- بتمنى ده يحصل علشان اتحاشى كل الأخطاء اللى عملتها واعمل الحاجات اللى كنت مفروض اعملها وتخاذلت فيها

انقاذ الدين من امام المحدثين

كذاب أشر يدعى زكريا اوزون يفترى كذبا على الامام البخارى و ابى هريرة (رضوان الله عليهم) ويشكك فى السنة النبوية ويقول عنها انها ليست وحيًا منزلا وأنها ليست مصدر تشريع وان الحديث النبوى ليس مقدسا وانه لا يفسر القرآن الكريم ، وبنى هذا الكذاب استنتاجاته من خلال التشكيك فى رواة الحديث من الصحابة والتابعين وانهم ليسوا اهل ثقة ولا حول ولا قوة الا بالله .
كل هذا وأكثر فى كتاب (جناية البخارى انقاذ الدين من امام المحدثين) على هذا الرابط
http://www.4shared.com/file/5016566/d829a6b4/_________.html

معذرة اخى الحبيب

أخى الحبيب / أحمد مبارك ،،،

أرجو ألا يكون قد عكر صفوك هذا التعليق السافل الذى أرسله أحد السفهاء السافلين المنحطين ردا على مقالة (حدث بالفعل) وأرجو منك أن تتقبل منى هذا الاعتذار . ويعلم الله انى لا اعلم من هذا الشخص المنحط ، وانى على وعد باتخاذ موقف معه فى حالة معرفتى به.وان كان لديه ذرة رجولة او شجاعة فليفصح عن شخصيته هذا الجبان الرعديد.

أخوك

حسن سلامه

حدث بالفعل

فى يوم من الأيام القليلة اللى بروح فيها الكلية حصل قدامى موقف عجيب وغريب فى المترو ، أثناء ما كنت قاعد فى المترو كان قاعد قدامى راجل أسمرانى من الواضح عليه انه من الأفارقة الموجودين هنا فى مصر ومن خلال ملاحظاتى ان الناس دول يا اما بيشتغلوا هنا فى مصر يا اما من الدبلوماسيين اللى بيمثلوا بلادهم فى مصر المهم جت محطة دار السلام و يقوم شاب واقف على الرصيف مد ايده من الشباك ورزع الراجل الأفريقى ده حتة قفــا اقل ما يوصف به ان المترو كله سمعه وبص عليه ولك ان تتخيل صوت القفا كان عامل ازاى .

طبعا الراجل كان فى حالة ذهول ... ايه اللى بيحصل ده .. طب ليه ، وانا شخصيا كنت فى حالة ذهول اكتر ، ليه الولد ده عمل كده ، عملك ايه يعنى ، وبعدين ده راجل غريب وضيف فى بلدنا وكمان ممكن يكون من الدبلوماسيين الأفارقة .. ده مش بعيد يكون السفير نفسه ، المهم الراجل كان مكسوف وفى نص هدومه وباصص فى الأرض ، وأنا فضلت افكر فى الموضوع ده وانا آسف جدا للأنحطاط الأخلاقى اللى وصلنا له .

ومن ساعتها وانا كل ما اقعد حنب الشباك وانا بخلى بالى ، الأمر ما يسلمش وانتوا كمان خلوا بالكوا لو حد منكوا قعد جنب الشباك يخلى باله لأحسن تلاقى ايد اتمدت من الشباك وزغرطت على قفاك.

صبرنا يارب ،،،،،،

سلااااااااام

مصطلحات حياتية.. في حياتنا الرياضية!!

لم أكن أعرف أن حياتنا الرياضية فى مصر بها كمية ألغاز وفوازير.. منها الموسمية ومنها المؤقتة ومنها الدائمة بهذا الشكل.. ولم اكن أدرى أن الرياضة فى مصر دائماً بوجهين..وجه صادق و وجه قد ينقلب إلى نفاق غريب، ولكن على كل الأحوال فإن هناك مفاهيم فى حياتنا قد تنطبق فى حياتنا الرياضية، وهذه المفاهيم قد دارت بذهني و أردت أن أسردها بشكل قد يصل للقارىء بشكل بسيط.. وربما مبهم.. وربما يفهمنى!!
مصطلحات وتعريفات:

الندالة: ان تجزم انك زمالكاوى حتى النخاع..وان الزمالك املك..وامل اهلك..وامل اللى يشتدد لك..وعندما يأتى وقت مفاوضات الاهلى تجزم بانه حلم اى لاعب فى مصر..طبعا هناك كثير من القصص ابرزها لاعب مضى مؤخرا للاهلى!!
الخيانة: ان تقول انك زمالكاوى عندما تنضم للمقاولون..وان زوجتك زمالكاوية..وعائلتك زمالكاوية..وعندما تمضى للاهلى وانت لاعب فى صفوف الزمالك وتشارك امامه..فهذه خيانة غير مشروعة..ممم..اسهلها!!
خيانة مشروعة: ان تكون لاعب فى صفوف نادى..وانت ماضى للنادى المنافس..ثم عندما تبدأ فى اللعب ويشجعك الجمهور مرة اخرى..تطلب 2 مليون جنية..ثم تطلب عدم القيد فى القائمة الافريقية..خيانة مشروعة لانك مهدت لنا انك راحل راحل..مين ياترى!!
الرزالة: فى ان يكون لاعبا مغمورا..وعندما يأتى الدور فى تألقه تقول ان من يرغب فيه يدفع 2 مليون دولار..ياترى هى المحلة تعرف يعنى ايه دولار ولا بتسمع عنها بس!!
التناحة: فى ان يكون لديك 3 لاعبون باك يمين..وترفض بيع عبد الله رقم 4 فى الترتيب.
العشوائية: فى ان تضم لاعبون غير مطلوبين..او تفاوضهم لمجرد التفاوض لمجرد ان فاوضهم الاهلى..تلك هى مشكلة الزمالك عندما يجعل لاعبا ينتقل للاهلى نجما..ولذلك لم يكن ميدو "عبد الحميد حسن" نجما لان الزمالك لم يدخل فى الصفقة!!
قمة الادب: ان ترجع لتدريبات الزمالك قبل لقاء القمة عشان جماهير الزمالك بس!!
قمة الدهشة:ان تكون سببا فى هزيمة الزمالك باخطاء دفاعية ساذجة من سبب قمة الادب..مبروك عليك تركيا والوداع للابد..وانسى المنتخب كمان!!
قمة القرف: ان يتم زج اسم الاهلى فى صفقات الزمالك..وان يتم زج اسم الزمالك فى صفقات الاهلى وكأنها صفقة اسلحة ما بين المخابرات!!
قمة الشياكه: ان تشتم رئيس لجنة الحكام بطريقة غير مباشرة!!
قمة الذهول: ان يتم عقاب سبب قمة الشياكة بعشرين الف جنية ثمن غرفة الفندق فى اليوم!!
قمة التناقض: ان يتم اتهام الاجهاد سببا لمستوى لاعبى الاهلى فى مباراة الاسماعيى ثم يأتى الدور على التألق عندما يكتسحوا المقاولون بخمسة!!
قمة الهبل: عندما يأتى مدرب برازيلى لتدريب الاسماعيلى..وعندما يفوز الاسماعيلى على الاهلى يتم ترحيل المدرب..واستمرار المنياوى دون تقييم حقيقى للموقف..واهو انبى كشف كل حاجة!!
الشيزوفرنيا: ان يتم اتهام الاهلى بانه سينهار بعد هزيمة الاسماعيلى وتناسى الجميع كل انجازاته الفترة الماضية لمجرد هزيمة حتى لو بشعة!!
البارانويا: عندما تشعر انك تخين امام الفرق الصغيرة فتشعر ان فريقك نجوم..وان تكون رفيع امام الفرق الكبرى!!
الاكشن: كل مباريات الزمالك..مش حتقدر تغمض عنيك!!
الهندسة الوراثية: ان تشعر ان من يدخل الزمالك يحقن بمادة الاكشن التى تسبب تعادل مع فرق مغمورة..فوز اخر ثانية..تعادلات فى اوقات حرجة..وذلك مع تواصل الاجيال..سبحان الله!!
الرأفة: فى ان تعطف على الاندية الفقيرة برديف الاهلى والزمالك والاسماعيلى كل موسم..فتشعر ان حرس الامس..هو بتروجيت اليوم..وان اهلى الامس هو الاتحاد اليوم!!
التأنى: ان تختار لاعبا مفيدا فى خط دفاعك ليس من عينة رامبو او ابو هبل..وبالتالى فان العابدى والسقا جاءوا نتجا لذلك.
الكوسة: فى ان تشعر ان الفرق الصغيرة يجب الا تهزم الفرق الكبيرة مهما كان!!
الفرحة: ان تشعر انك خطفت لاعبا من الزمالك..او خطفت لاعبا من الاهلى فى اخر لحظة.
الحسرة: ان تجد فيما فرحت فيه لم يلعب الى الان..اسألوا شيكابالا!!
التمحك: فى ان تشعر ان لاعبا قادما من الخارج محترفا..وعندما تساله يقول ان الدورى الذى لعب فيه دورى قوى..هى اذربيجان ده فين على الخريطة!!
التفنن: فى ان يشعرك اللاعب ان عودته لمصر ليس الا فقط لان اولاده وعائلته وبابا وماما وخالته والعائلة محتاجينه ولا تهمه المادة..وخصوصا لو راجع من تركيا!!
الرحمة: فى ان نشعر ان لاعبا ذهب الاهلى او الزمالك ومات هناك ففقد عذريته الكروية للابد..واسألوا عادل فتحى و محمد عبد الله وسماكه!!
التنطيط: فى ان يشعرك جمهور الفريق الاخر ان خطف اللاعب كان بخطة جهنمية مدروسة تماما!!
النفاق: ان تهاجم اتحاد الكرة وتدين وبشدة افعال مدربين وتنتقد تصرفات..وتعلم كل كبيرة وصغيرة ..وتنسى ان كرسيك فى نيابة اتحاد الكرة هو باسمك..وانك سبب فى فشل المنظومة التى تهاجمها!!
الحلزون: هو سياسة ادارة الامور الرياضية فى مصر.
البكينى: هو ماسيحدث لنا فى دورة بكين بإذن الله!!
البركة: فى ان تخطف لاعبا بقيمة ابو تريكة فى وقت لم ينظر له الزمالك!!
قلة البركة: انك تحاول تقلده فتلبس لاعبا مثل عادل فتحى!!
الفبركة: فى ان تأخذ بلن فى الدقيقة الاخيرة وهو لايمت باى صلة بضربات الجزاء..واسألوا محمد فاروق قائد ثورة الفبركة فى مباراة حرس الحدود والاهلى العام قبل الماضى..ومباراة الاسماعيلى مع المحلة هذا الموسم!!
الرشوة: اعوذ بالله..فيه منها هنا فى مصر..يعنى ممكن يحصل للاهلى او الزمالك كده زى اليوفنتوس..لان لو حصل كده فى مصر الجوز حينزلوا..فى بعض الاحيان طبعا!!
الايد البطالة نجسه: فى ان تشعر ان لاعبا انتشلته من الفقر..ويبيعك فى اقرب الفرص بابخس الاسعار لمجر ان الطرف الاخر فاوضه!!
القدر: ان تختار الاهلى عن الزمالك عشان هو نادى القرن..وتجد نفسك اما لاعبا باك يمين فاشل.. او لاعب اسمرانى من غانا ب11 مليون سيرحل..او ان تشرب حشيش عشان تنسى انك على الدكة!!
لاقدر الله: ان تلعب برضك للزمالك فى اسوء الظروف..وتتألق وتجد نفسك مطالبا ان تبيع كل مالديك عشان تدفع تقسيط السخان ابو كهربا!!

الكرنب: ان تجد لاعب بقى عنده كرش ويقولك النادى الاخر بيفاوضنى..وبالتالى فاجيب عليه واقوله ورب العرش نجانى!!
حظ العوالم: فى ان تجد فريقا لابد ان يحسم الامور فى اوقات حرجة..ويحرز اهدافا فى اوقات يصعب فيعا التعويض!!
العوالم: من يحرزون هذه الاهداف!!
الغبى: هو اللاعب الذى يرى الماده سبيله فى التنقل بين الاندية!!
الذكى: هو ايضا من يبحث عن المادة فى سبيله للانتقال بين الاندية!!
الاستهبال: ان يكون لديك لاعب رائع بحجم مجدى عطوة..يضيع وقته بالاستهبال فى امور بعيدا عن الكرة!!
الاستعباط: ان تبرر ما يفعله عطوة بانه لاعب مظلوم رغم تفاوت المدربي عليه!!
المظاليم: هو التعريف الحقيقى لناشئين مصر!!
الفقع: فى ان تستغنى عن ناشىء فى فريقك بملاليم..بعد ذلك تهدر وقتك واموالك واعصابك فى استعادته بملايين!!
قلة البخت: فى ان يستميت الاهلى والزمالك فى ضمك وقت ما..وعندما يغالى فريقك تجد نفسك بعيدا عن كل شىء..من منتخب لنجومية لشهرة..واسألوا احمد عيد عبد المالك..وربما سيحصله محمود فتح الله!!
الكبت: فى ان تنتظر 71 مباراة لتفرح فى الاهلى!!
الانفراجة: ان يكون الهزيمة بالثلاثة!!
الحظ: عندما ترتطم كرة فى العارضة لتعود للمهاجم فيحرزها..وخصوصا لو منصف واقف..بينما يتخلى عنك عندما تسدد ضربة جزاء فتهدرها وتتابع فى يد الحارس!!
البرود: القبانى!!
اللا معقول: ان يلعب لاعب اسمه محمود محمود حتى الان فى صفوف الزمالك!!
الفقع غير الفقع الاولانى: فى ان تصل لهذه السطور ولم يعجبك اى شىء!
الحدق: من يفهم المقال بالكامل!!

مصير كل زملكاوى

احسب ضربات جزاء للاهلي واهداف مشكوك في صحتها تحصل علي وسام دريم

فوجئت في الحلقه الاخيره وبالتحديد بعد مباراة الاهلي والمقاولون والتي قام بتحكيمها فهيم عمر الحكم الذي يعمل بمؤسسة الاهرام والتي يراس وكالة الاعلان بها السيد حسن حمدي رئيس النادي الاهلي والذي سبق وطالب الجميع بمنعه من ادارة مباريات الزمالك والاهلي بسبب وظيفته ودرءا للشبهات مثلما هو الحال مع عصام عبد الفتاح الذي يعمل ضابطا بالقوات المسلحه وبالتالي تم منعه من تحكيم اي مباريات لحرس الحدود وطلائع الجيش ولاندري ولايدري مخلوق لماذا لا يتم تطبيق نفس القرار علي فهيم عمر اما اننا اصبحنا نعشق دائما ازدواجية المعايير.

المهم انه وبعد نهاية المباراة مباشرة فوجئت باحمد شوبير وفي برنامجه الرياضه اليوم وعلي الفور يقول ان وسام دريم في هذا اليوم تم اهداؤه الي فهيم عمرو حكم المباراه وقال بالحرف الواحد انه تم اهدؤه الوسام لشجاعته في احتساب ضربتي جزاء للاهلي دون ان يقوم السيد شوبير بتحليل الكثير من الالعاب التي تحتمل الكثير منها ضربة جزاء للمقاولون تم احتسابها خارج الخطوط وهي واضحة تماما انها داخل المنطقة كما اظهرت الاعاده التلفزيزنيه في احدي القنوات الفضائيه وكذلك هدف عماد متعب الاول والذي هناك شبهة تسلل كبيرة المهم ان شوبير لم يكلف نفسه ابدا بالتحقق من هذه الالعاب لكي يحترم عقولنا قبل ان يهدي وسامه المزعوم الذي هو ليس الا تشجيعا لكل حكم علي ان يحزو حزو فهيم عمر وسمير عثمان وغيرهما ولكي يعطي الحكم ستارا اعلاميا ليوهم الجميع بان الحكم كان عادلا وهو لم يكن كذلك لا هو ولا صاحب الوسام المزعوم


تاريخ فهيم عمر مع الاهلي " :



لم ينسي الجميع العام الماضي وتحديدا في مباراة الاتحاد والاهلي بالاسكنريه والتي احتسب فيها فهيم عمر ضربة جزاء للاهلي واظهرت الاعاده التلفزيونيه بوضوح انها كانت من خارج منطقة الجزاء وسجل الاهلي منها هدفه الاول وانهار بعدها الاتحاد وانتهت المباراه بهزيمته 6-صفر وطالبنا هنا بمنع فهيم من تحيم مباريات الاهلي وكتب في ذلك الاستاذ فتحي سند في اخبار اليوم قائلا طالما فهيم عمر يعمل بمؤسسة الاهرام فلماذا يقوم بتحكيم مباريات الاهلي. ولفهيم سوابق كثيره ايضا ففي العام قبل الماضي واثناء تحكيمه مباراة الاهلي وانبي وكان انبي متقدما 1-صفر احتسب هدفا كان هناك شكا كبيرا ان الكره لم تعبر الخط وكالعاده وقبل نهاية المباراه بخمس دقائق احتسب ضربة الجزاء المعتاده وسجل منها اسامه حسني هدف الفوز للاهلي

وفي العام الحالي واثناء ادارته لمبارة الزمالك والجيش فعل ما لم يفعله حكم ووقف ضد الزمالك علي طول الخط ولعل الجميع لاينسي انذاره الشهير لعمرو زكي والذي كان يستوجب احتساب فاول لصالحه وطرد لاعب الجيش الذي كان قد سبق انذاراه ولكن هذا الفهيم خرج من المطب بفضيحه وهي انذار عمرو زكي حتي لا يضطر الي طرد لاعب الجيش في منتصف الشوط الاول وظل يحتسب فاولات وهميه علي الزماك حتي نجح الجيش في احراز هدف التقدم من احداها وتحقق المراد لفهيم ووقتها قام الناقد اسامه خليل بفضح فهيم عمر في برنامج شوبير الرياضه اليوم وتسال هلي تقاضي فهيم عمر مكافاه من حسن حمدي رئيسه فس العمل علي ماقام به في مباراة الزمالك والجيش

واريد ان اسال شوبير هل ضربتي الجزاء التي تم احتسابهما للاهلي في مباراة المقاولون ضربتي جزاء بنسبة 100% اذا كان ذلك صحيحا فارجو ان ترجع الي مباراة الاهلي وانبي والتي قام فيها سمير عثمان بانذار لاعب انبي اثر تدخل شادي محمد معه في لعبه اكثر وضوحا اعتبرها الحكم تمثيلا من المهاجم طبعا لانها داخل منطقة جزاء الاهلي


ما احلي الاجهاد" :



كان الاجهاد رائعا والاهلي يهزم المقاولون 5-ا بعد 3 ايام من هزيمته من الاسماعيلي انها رساله واضحه لخبرائا المحللين فعلا انتم محللين بمعني الكلمه وتستحقون البقاء في قنواتنا المحليه تاخذونها وتاخذكم الي الوراء دائما


سر وسام دريم" :



بحثت كثيرا عن وسام دريم هل هو مكافاه عينيه ام معنوية ولكني اكتشفت بعد طول عناء انه وسام مصنوع من الكوسه والقرع المصبوغ باللون الاحمر


وسام الشرف" :



واما وسام الشرف فيستحقه نادي الزمالك الذي لعب حتي الان 16 مباراه هذا الموسم تحت قيادة حكام مصريين ولم يحتسب له ضربة جزاء واحده

الزمالك هو النادي الوحيد الذي لم يحتسب له ضربة جزاء واحده علي مدار 16 مباراه ادارها الحكام المصريين بينما في مباراه واحده ادارها حكم اجنبي احتسب للزمالك الضربه الوحيده هذا الموسم