حدث بالفعل

فى يوم من الأيام القليلة اللى بروح فيها الكلية حصل قدامى موقف عجيب وغريب فى المترو ، أثناء ما كنت قاعد فى المترو كان قاعد قدامى راجل أسمرانى من الواضح عليه انه من الأفارقة الموجودين هنا فى مصر ومن خلال ملاحظاتى ان الناس دول يا اما بيشتغلوا هنا فى مصر يا اما من الدبلوماسيين اللى بيمثلوا بلادهم فى مصر المهم جت محطة دار السلام و يقوم شاب واقف على الرصيف مد ايده من الشباك ورزع الراجل الأفريقى ده حتة قفــا اقل ما يوصف به ان المترو كله سمعه وبص عليه ولك ان تتخيل صوت القفا كان عامل ازاى .
طبعا الراجل كان فى حالة ذهول ... ايه اللى بيحصل ده .. طب ليه ، وانا شخصيا كنت فى حالة ذهول اكتر ، ليه الولد ده عمل كده ، عملك ايه يعنى ، وبعدين ده راجل غريب وضيف فى بلدنا وكمان ممكن يكون من الدبلوماسيين الأفارقة .. ده مش بعيد يكون السفير نفسه ، المهم الراجل كان مكسوف وفى نص هدومه وباصص فى الأرض ، وأنا فضلت افكر فى الموضوع ده وانا آسف جدا للأنحطاط الأخلاقى اللى وصلنا له .
ومن ساعتها وانا كل ما اقعد حنب الشباك وانا بخلى بالى ، الأمر ما يسلمش وانتوا كمان خلوا بالكوا لو حد منكوا قعد جنب الشباك يخلى باله لأحسن تلاقى ايد اتمدت من الشباك وزغرطت على قفاك.


صبرنا يارب ،،،،،،
سلااااااااام

Comments

Anonymous said…
كل واحد يحرص على قفاه الدنيا مبقتش مضمونه و اللى اترزع قبل كدة نقوله هاردلك
Anonymous said…
في الحقيقة شعبنا متعود علي موضوع القفا دا مفيش حتة في البلد الواحد مبيخدش علي قفاه حتي لما بنطلع بره البلد برده بنحافظ علي عادتنا وبناخد بس المسكين الأفريقي ده زنبه ايه
وكل قفا وانت طيب يا ابو علي
Ahmed Mubarak said…
يبني انت كل مغامراتك في المترو..هو انت عامل المترو شقة مفروشة؟
thabet084 said…
والله عندك حق ياحسن

ده أنا كنت مره راكب برضه المترو بس ستر ربنا وكنت واقف وبنت من بنات اللي في الإعدادي ولا الصنايع هي شكلها متشرد كده كانت علي الرصيف وكانت بتشرب عصير بالشفاطه (قصدي الشاليمو بسهوكه علي رأي عبد المنعم) فاذا بالمترو يتحرك واذا بالبنت ده ترمي الكيس في الشباك علي الناس اللي قاعدين أنا مش عارف ليه هي عملت كده وأنت تقولي اللي جنب الشباك بس ده الأربعه اللي بيقعدوا علي الكراسي يخلوا بالهم كلهم وحتي الناس اللي واقفه
الحقد بقي علي كل حاجة
عشان تقعد في المترو ممكن تاخد قفا محترم او واحد يضربك علي ايدك لو هي ع الشباك او واد يتف عليك او يترمي عليك حاجة او واحد واقف لك زي العمل الردي مستني اي حركة عشان يقعد مكانك
Ahmed Essawy said…
يا الهوي .
افايا في خطر .
:(
:D:D:D:D
Hassan Ragab said…
الى anonymous
عقبال ما نقولك هاردلك

الى (انت عارف مين)
انا ماعرفكش

الى مبارك
انا محظوظ

الى ثابت
الفاتحة على الاخلاق والاحترام

الى عامر
الناس مابقاش فيها خير

الى عيسوى
خلى بالك من قفاك
Anonymous said…
عقبال منقولك هاردلك انت كمان ياحسن بس يكون هاردلك محترم!!!!!!!!
Anonymous said…
الاتنين ضحية
الولد والراجل الي اضرب
أيوة
الراجل ضحية ولد مستهتر طايش
والولد ضحية الافلام والمسلسلات الي علمته إنك لما تبقى ندل وتعمل مقالب في الناس وتقرفهم كده هتبقى شاب روش طحن وجامد عصر وحاجات من هذا القبيل
علمته إنك علشان تبقى حلو والبنات تحبك لازم تضرب وتجري
ماهي دي الأفلام صاحبة الشعار القومي
عيش ندل تموت مستور
Ahmed Mubarak said…
@Anonymous
ياريت تقول اسمك
مش جدعنه انك تيجي تتريق على مخاليق ربنا وتحرجهم..
.ومتقلش انت مين
Elsaify said…
انا
Anonymous
عرفتنى
اى خدمة يا حاج مبارك انت تؤمر!!!!
Anonymous said…
بصرف النظر عن ان اللى حصل مع الراجل ايا كانت هويته كان شئ سئ ومؤلم!!! الا انى عندى اعتراض!!!
اعتقد ان فى حاجة فى الموضوع غلط
من الصعب جدا الذى يقترب من المستحيل ان اى مسئول او سفير او حتى اى ديبلوماسى ممكن يتنقل فى المواصلات العامة!!!
فى بلدة فما بالك ببلد تانيه
يا راجل ده لو حتى سفير دوله فقرانة من دول العالم العشرين تحت الفقر!!!
Ahmed Mubarak said…
@alaa
معلش يا علاء
أصل الحركات دية بتتعمل كتير من ناس منعرفهاش أصلا..وكل مرة مصير الناس دية التهزيء..معلش مكنتش اقصدك
وانت من أجدع الناس
:D
Anonymous said…
مش عارف انا مين
طيب عملت التسكاية يا حسن عرفتني بقي
Ahmed Mubarak said…
This comment has been removed by the author.
Ahmed Mubarak said…
@Anonymous

أنا أحب اشكرك علشان شتمتني..ومش هرد عليك عارف لية..أقولك

عن أبي هريرة أن رسول الله قال: { أتدرون من المفلس؟ قالوا: المفلس فينا من لا درهم له ولا متاع؟ فقال: إن المفلس من أمتي يأتي يوم القيامة بصلاة وصيام وزكاة، ويأتي

قد شتم هذا،

وأكل مال هذا، وسفك دم هذا، وضرب هذا، فيعطي هذا من حسناته، وهذا من حسناته، فإن فنيت حسناته قبل أن يقضي ما عليه، أخذ من خطاياهم فطرحت عليه، ثم طرح في النار }


انت اديتني حسنات..إشتم زي ما أنت عايز..بس خليك فكر..أنا مش حسيب حقي منك قدام ربنا..في يوم نقف أنا وإنت قدامة..
وهتلاقي مكتوب في كتابك الكلمة دية عليا

مين البيضة Ahmed Mubarak

ولو على كلام الدنيا الي انت بتناقش بيه..الرجوله انك تواجة..زي معلاء صحبي قال أنا قلت كدة..
لكن معندكش الشجاعة..إتستر..واتكلم من وراء اسم المجهول الي انت داخل بية
وربنا يهديك


حاجة تانية
الي عايز يخش باسم مجهول يخش زي مهوا عاوز..ويتكلم زي ماهو عاوز طالما اتكلم كلام محترم..لكن ميقلش ادب من غير ما يقول انا مين..لانه في الحالة دية ممكن يكون حد من غير المحيط بتعنا وخارج اصحبنا..وعايز يرخم ويقل في ادبه..ويعكس انحطاطة علينا..فاحنا في اي بلوج من بتوعنا لما يحصل كدة بنهزأوة ..أو بنشيل الكومينت بتاعوة
Anonymous said…
خليك في بلوجك انت مش صاحب البلوج امشي على بلوجك بعد اذن سعادتك وانا لما خنقت عليك انت قدامها خنقت عليا اكتر بكلامك المستفز وانا برضك مش مسامح فيه يوم القيامة
Hassan Ragab said…
الىAnonymous

احمد مبارك يقول اللى هو عاوزه وبعدين انا صاحب اللبلوج انت مال اهلك وبعدين لو هو صاحبك وبتخنق عليه يبقى منك ليه وخليك راجل واكتب اسمك مش تتخفى زى النسوان ، وياريت ماشفش وشك هنا تانى
التعليق على الموقف
الموقف فعلا ياحسن والله يضايق جدا
و ربنا يهدي
التعليق على الشتايم
حسن بصراحة قال كل اللي يتقال وبعد كلامه مافيش كلام :D

Popular posts from this blog

50 Online Learning and Free Courses Websites

مصطلحات حياتية.. في حياتنا الرياضية!!